හිරන්‍ය ගයාවර්ණි ජීවක ගුරු මෑණිය යටතේ වූ දෙමස් පුහුණු කාලයෙන් , මසක් ගත වන්නට ආසක්ත වන ඇසිල්ලේ , ගුරු මෑණියට අනු වූ ඒ කුළුණු බර ජීවක ගුරු පියා , පුරුෂ අංශයේ රෝගීන් විචාරන්නට යෙදෙන්නා වූ එක්තරා පැහැබර දිනක , සිතේ බිය සංකා නැතුවා වූ ජීවක සිසුන් , තම තමාට වෙන් වූ රෝගීන් විචරන්නා වූ අතොර මොහොතක විරාමයක් ලැබ ,එකිනෙකා හා එක්ව බිගු ගොමුවක් සියුම් නද දෙන්නා හා සේම ආගිය කතා කතිකා කරන්නට වුහ .
සිසුන් අතොර නිතර ආගිය කතාවේ දක්ස අය බණ්ඩාර තෙම දෙතොල් මතුරා කතා අරඹා සිටියේය ..
''යහළු තොප දන්නේද පෙර දින ස්ත්‍රී අංශයේ රෝගී විචාරන කල්හි අපේ බටුවන්දරට සිදුව ඇති කෙලියක් ??''
''අහ් කිමෙක්ද කිමෙක්ද ?? අපි නොදන්නෙමු , වහා වහා කියා සිටුව ''. අය බණ්ඩාර තෙමගේ බසින් ප්‍රමුදිත වන සෙසු ජීවක සිසු කැල මහත් කුහුල් දනවා , දෑස් දල්වා අසා සිටිත් .
''කෙලිය නම් මෙසේය ..'' සෙසු ජීවක සිසු බන්දුන්ගේ ප්‍රමුදිත බසින් තවත් ප්‍රමුදිතව අය බණ්ඩාර කතාවට පිරුම් ගනියි ..
''අපගේ ගුරු මෑණි තොමෝ රෝගීන් විචාරන අතරක .. සුපුරුදු ලෙසින්ම , එක් හර්ද රෝගියෙකු පිළිබඳ තතු විමසා තිබෙනවා .. එකී රෝගියා භාරව සිට තිබෙන්නේ බටුවන්දරටයි '' අය බණ්ඩාරගේ දෑස සිහින්ව බර වන ඇසිල්ලේ
''ඉතින් ඉතින් '' සිසු බන්ධුන් හු මිටි තබත්
''ඉතින් ගුරු මෑණි තොමෝ එම රෝගියාට ලබා දෙන ඖෂධ වට්ටෝරුව මතකයෙන් කියා සිටින ලෙසට බටු වන්දරට අණ කොට තිබෙනවා ''
''ඔහු ඉතින් එතරම් දිගු වට්ටෝරුව නිවැරදිව කියා සිටියාද ?? ''කුහුලින් මඩනා ලද , ඖෂධ පසළොසක් තරම් වූ එම වට්ටෝරුව සිහි ගන්වා ගන්නා සිසුන් විපිළිසර වෙත් .
''ඔහු එම වට්ටෝරුවෙන් බොහෝ ඖෂධ පවසා සිට තිබෙනවා .. එනමුත් අතර මඟදී යම් යම් ඖෂධ නම් මඟ ඇරී ඇති වගයි ආරංචිය ..''
''අහෝ අහෝ එසේද .. ඉතින් '' අතොරක් නැතුවම තතු දැන ගැනීමට, දුක් මුසු මුත් ,කෙළතොළු වන්නා වූ සිසුන් අසත් .
''හාහ් හා හ් හා හ් ''සිසුන්ගේ දුක් මුසු මූණු දක්නා අය බණ්ඩාර මහත් හඩින් සිනාසී මෙසේ කියන්නට විය '' තොප කෙලිය දන්නේ නම් මෙසේ දුක් බස් නොකියනු ඇති ''
''අපේ බටුවන්දර තමාට අමතකව ගිය ඖෂධ ඒ අසල බැංකුව මත පෙරලා තිබු ඇඳ ඉහපතෙන් හොරැහින් වහ වහා බලාගෙන , තම මතකයෙන් මෙන් කියවා තිබෙනවා '' ගුරු මෑණියත් එය නොදැක්කා හා සේම අසා සිට තිබෙනවා '' හාහ් හාහ් හාහ් හඃ ''
''අහ් මෙය නම් සබැවක්ද ?? හාහ් හාහ් හාහ් '' සිසු පිරිසද දසන් පාමින් සිනා සි සිටියහ ..
''අපුරුයි එසේ නම් ඔහු යහතින් බේරී ගොස් තිබෙනවා '' එක් සිසුවෙක් කියා සිටිත්ම ..
''එසේ ඔහු යහතින් බේරී ගියත් .. ඉන් මත්තෙහි අසු පැනයට නම් පිළිතුරු දී නැති'' සිනා මඩන හඩින් අය බණ්ඩාර කියා සිටුයේය ..
''එසේ නම් ගුරු මෑණිය දැන ගන්නට ඇති බටුවන්දරගේ ක්‍රියාව ''
එය නම් ඇය උරණ කරවන්නට ඇති ඒකාන්තයෙන්ම ''තවත් සිසුවෙක් වහා කියා සිටුයේය
'ඒකාන්තයෙන්ම ' ,, අපි කෙසේ නම් ගුරු මෑණිය ප්‍රයෝග කරන්නද??'' තවකෙකු දොඩමලු වුවේය .
''එසේය එසේය '' ''ඇය මහා නැණතිය '' සිසුහු එක්ව හඬ නැගුහ
''තොප සිතන දෙයක් සිදුවී නැත්තේය , ගුරු මෑණිය උරණ වීද නැත්තේය ''
''කිමෙක්ද , ඇය උරණ වී නැතිද , එය නම් මහා පුදුමයකි ' සිසීහු මහත් විපිළිසර වී අසත් ''
''අවසානයේ ගුරු මෑණියෝ , නායක අනන්ජය පත්තු , අමතා තවත් පැනයක් අසා තිබෙනවා '' අය බණ්ඩාර කියන්නට විය ..
''එසේද ඉතින් ඉතින් , ඔහු නම් පිළිතුරු දෙන්නට ඇති ?'' සිසුහු විමසුම් දෑස දැල්වුහ ..
''ඔහුටද එම පැනයට පිළිතුරු දීමට හැකි නොවී තිබෙනවා
''එනමුත් ගුරු මෑණියෝ නම් සිනා සිසි අනන්ජය පත්තු දෙස බලමින් .. තව තවත් වන පොත් කලයුතු බවත් පසු දින නිසි පිළිතුරු නොදෙන්නේ නම් ඉහල මහලේ සඳලු තලයේ සිට පොළොවට දමන්නා මෙන් දඩුවමක් නියම කරන බව පවසා තිබෙනවා''
''මෙය නම් මහත් අරුමයකි , පෙර දින අප හමුවේ නම් මහත් සේ ඇය උරණ බස් කීවා නොවේද ? සිසුන් කුහුලින් අසත්
''එසේය ගුරුමෑණි නම් පෙර දින අප හමුවේ වුවා වුවත් මෙදින නම් උරණ වී නැත්තේය ,එයද අව්ව වැස්ස ඇති විටක දේදුනු නගින්නා හා සේම මහත් අරුමයකි ..'' අය බණ්ඩාර කියත්
''මෙය නම් අපේ ස්ත්‍රී අංශයේ නායක අනන්ජය පත්තුගේ සහ පිරිසගේ මහත් බලයක් විය හැකි නොවේද ? සිසුහු කිහ .
''එසේය එයද විය හැක්කේය ,, එසේ වතුදු මගේ නම් අදහස වන්නේ ගුරු මෑණිය හා ප්‍රයෝග කිරීම නම් නුවණට හුරු නැති බවය '' තවත් මසක් ඇය හා අප පුහුණු විය යුතු නොවේද ?? '' අයෙක් කියන්නට විය
''මාසයත් කල්පයක් හා සමානය ''
නිරුදක කතරක ගමන් ගන්නා හා සේම පීඩිතය '' තවත් සිසුවෙක් මන්දෝත්සහිව කියත්
''දෙමසක් නම් පීඩිත බව සැබෑය , එසේ නමුත් එය රන් හා සමාන ඉගැන්නුම් ගත හැකි කාලයකි ''
''අපි තවත් සොඳ සැටි වනපොත් කරමු ''
එවිට නිරුදක කතරේ වුවත් ගැඹුරු ජල දහර මත වන්නා වූ ඊතණ පඳුරු හමු වනු ඇති , පුරුෂ අංශයේ නායක රුවනාක් තෙම උද්යෝගී වී කියන්නට වන ඇසිල්ලේ
''එසේය එසේය ''
''අපි හොඳින් වන පොත් කරමු , මේ මසත් ගෙවුනා මෙන් , එන මසද ගෙවී යනු ඇති ''
සිසුන් සැවොම ඔහුගේ බසට එකග වුහ ..
ඉතිරිය මතුවට
ප.ලි - බන්ධුන් - පිරිස / මිත්‍රයෝ
කෙළතොළු -කට දෙපසින් කෙල බේරෙන
No comments:
Post a Comment