සුභ උපන්දිනයක් පුංචි අයියාට

අද මගේ ආදරණීය පුංචි අයියගේ උපන් දිනේ .. ඉතින් මාත් එක්ක මම උපන් දා ඉදන්ම සහෝදරයෙකුටත් වඩා හොදම යාලුවෙක් වගේ පුංචි අයියා මගේ ළඟ ඉන්නේ .

පොඩිම කාලේ අපි සෙල්ලම් කලේ එකට .. මට තනි කාමරයක් ලැබෙනකන්ම හිටියෙත් එකම කාමරේ ..එක වසරේ ඉදන් (මට කවර දාගන්න පුළුවන් වෙනකන් )මගේ පොත් වලට ලස්සන කවර දාලා ස්ටිකර් අලවලා නම් ලියලා දුන්නෙත් පුංචි අයියා , ඒ විතරක්ද අත්වැඩ හදල දෙන්න .. ඇගයීම් වලට  දෙන පොත් වල පිට කවර හදල දෙන්න පුංචි  අයියා නම්ම ගන්න මට තිබ්බේ ''අනේ සුදු පුංචි අයියනේ '' කියලා ආදරෙන් කියන්න විතරයි ..මුලින් ටිකක් ''බෑ බෑ ඔයා තනියම කරගන්න ඔයාගේ වැඩ ''කියලා අදි මදි කරලා අන්තිමට මම'' අනේ අනේ'' කියනකොට  ''හා හා ගේනවා ඉතින් ''කියලා ඔක්කොම කරලා දෙන්නේ  පුංචි අයියා මට හරිම  ආදරෙන් ..

පුංචි අයියට මගේ ආදරේ වැඩි උනාම ''පුංචා '' වෙනවා .. පුංචි අයියගේ ආදරේ වැඩි උනාම මම ''බබා'' වෙනවා , තව ආදරේ වැඩි වුනොත් කලාතුරකින් ''පැට්ටෝ ''  වෙනවා ..තරහ ගිහාම ''නෙලුම් , ඕයි '' වෙන්නත් ඒ විදිහටම තමා .. එහෙම තරහ යන්නේ ඉතින් මම එයාගේ computer එක ඇද්දොත් හරි එයාගේ pen drives  ගත්තොත් හරි තමා ..ඒත් ඉතින් එයා ''ආය ඇද්දොත් ඉතින් දන්නවනේ password දැම්මා chapter close  '' කියනවා .. මාත් ඉතින් ''අනේ නෑ ආය අදින්නේ නෑ sorry ''කියනවා .. එත් අපි දෙන්නම දන්නවා ඒක වෙන්නත් නෑ password දාන්නෙත් නෑ කියලා ..

මම පාවිච්චි කරපු phone 4ම අරන් දුන්නෙත් පුංචි අයියා .. ඒ ඔක්කොටොම හිලව් වෙන්න ලොකු අයියා ලැප් එකක්  අරගන්න සල්ලි දුන්නම , කොළඹ ඉදන් ලැප් එක ගෙනාවෙත් පුංචි අයියා .ගණන් කරන්න බැරි තරම් ඇදුම් .. සෙරෙප්පු .. උපන්දිනේට teddy  bears. and  cards .තව කොච්චර දේද ..

එකට ඉදන් ෆිල්ම් බලන්නෙත් , සින්දු අහන්නෙත් , games ගහන්නෙත් අපි දෙන්නා .(මේ ගොඩක් වෙලාවට ලොකු අයියාද සිටි , කතාවට දෙන්නා යැයි ලීවෙමි .. ලොකුද ආදරයෙන් මතක් කරමි ) මේ හැම විනෝදයක්ම එක්ක ගෙදර වැඩ කරන්නෙත් අපි .. ආදරෙන් , හිනාවෙන් , කතාවෙන්

පුංචි අයියා ළඟ රස  කතා ගොඩයි .. හිනාව නම් නැති වෙන්නේ නෑ ඒ  කතා වලට .. මම විතරක් නෙවෙයි අම්මාත් හරිම කැදරයි පුංචි අයියා හීන් සීරුවේ කියන මේ විහිලු අහන්න .. අපි ඔක්කොම ඉතින් එකටම හිනා වෙලා සතුටු වෙනවා ..එතකොට එයා අම්මගේ ඇඟේ එලෙනවා  පූසෙක් වගේ ..  අම්මගේ හුරතලා පුංචා

හරි දැන් ඇති ...වැඩිය කතා කියවන්නේ නැති පුංචි අයියා නම් කියන්නේ අදහස් ප්‍රකාශ කරන්න එක වචනයක් හොදටෝම ඇති කියලා ,, පච ගොඩක් ඕනේ නෑ කියලා ..

මම ඉතින් ලියන්න ආස නිසා මෙහෙම ටිකක් දිගට ලිව්වා , පුංචි අයියා කියන දේ කෙසේ වෙතත්
..ඉතින් දැන් සුභ පතන වෙලාව ..
මගේ ආදරණීය පුංචි අයියාට සුභම සුභ උපන්දිනයක් .. ඔබට සදා ජය ..

සොයුරු දම් නම් අරුම        බැම්මකි
කහ වනින් වත් මැන  නොහැක්කකි
පුංචි අයියා නුඹත්                අහසකි
මා දිවියේ ලද  මහත්          ධනයකි

කාලය ගත වුනත් එකම බැම්මෙන් බැදී සදා ......

දොරේ ගලන සොයුරු පෙමින් ...