Search This Blog

Monday, January 6, 2014

ඔබ එනවද ??

තණ බිස්සක දිගා වෙලා 
නිල් අහසේ සුදු පෙන කැටි 
මවන රටාවන් සොයන්න 
ඔබ එනවද මාත් එක්ක ?

මීදුමකට මුවාවෙලා 
සීත රැඳුනු උස් කඳු වැටි 
අතර දෑත් බැඳ යන්නට 
ඔබ එනවද මාත් එක්ක ?

ඉර බැස යන සැන්දෑවක
මුහුදු ඉමක මත ගල් වැටි
ඉදන් යනෙන නැව් ගනින්න
ඔබ එනවද මාත් එක්ක ?

තරු සහසක් නැඟි අහසක
නිහඬව නෙත් යොමාන සිටි
සිකුරු තරුව සොයා යන්න
ඔබ එනවද මාත් එක්ක ??

-නෙළුම් - 21/12/2013-

No comments:

Post a Comment