වසර ගණනාවක් පුලමින්ද , මහත් අසාවෙන්ද ඇටමැස්සා පොත කියවීමෙහි වස් මම බලා සිටියෙමි .කාලය ගෙවී ගොස් අවසන එම පොත කියවන්නට මා හට ඉඩ ප්‍රස්ථාව ලැබුනේ මීට දිනකට පෙරය ..පොත අතට ගත් සැනින් මහත් කෑදර කමින් , පොතේ පිටු පස වන හදුන්වා දීම් කෙටි වැකි පෙළත් ,මුල් පිටුවල වන කතෘ ගේ සටහන් පෙළත් කියෙව්වෙමි .
ඇට මැස්සා වූ කලි ඊ එල් . වොයිනික් නම් අයිරිෂ් ජාතික ලේඛිකාව අතින් 1895දී ලියවුනු කෘතියකි .එය ශ්‍රී ලාංකික පාඨකයින් වෙත පිදෙන්නේ , සුගතපාල ද සිල්වා මහතාගේ අසහාය පරිවර්තනයක් ලෙසිනි .
ඇට මැස්සා තුල ගැබ්ව ඇත්තේ , එක් කලකදී එක්සත් ඉතාලියක් වෙනුවන් යෞවන ඉතාලි සංගමය ගෙනයන විමුක්ති සටනත් , තවත් කලක එම සංවිධානයම අතු රිකිලි ලා වැඩි අරමුණු සහ ඉලක්ක වලට නවතාවයක් දෙමින් රටේ ප්‍රසිද්ධ දේශපාලන පක්ෂයක්ව ,ජේසු නිකායිකයින්ට එරෙහිව ගෙනයන සටනත්ය.
සරල අදහසින් පොත පිළිබඳව එසේ හදුන්වා දිය හැකි වුවත් පොතේ පිටු අතර ගැඹුරෙන්ම දිව යන්නේ , සදාතනික වන මනහර ප්‍රේම කතාවක් ,පියෙකුගේ සහ පුතෙකුගේ වන දැඩි බැදීමක් ,හා කණ්ඩායම් සාමාජිකයන් අතර වන අව්‍යාජ බැදීමක් යන මේ සියල්ලය .එසේම පොත පුරාම දේව සංකල්පය මහත්සේ හෙළ දකිමින් අදේව ධර්මය ඉස්මතු කරන බවද දැකිය හැක .
පොතේ බස් වහර මන බඳින සුළුය , සරල නොවන මුත් එතරම් සංකීර්ණද නොවෙන එය පොතේ තේමාවට මනාව ගැලපේ .කතාව කියවගෙන යාම වෙහෙසකර නොකරයි .කියවා අවසන් කරන තෙක් පොත බිම තැබීමටද ඉඩ නොදේ .
කතාව ආරම්භ වන්නේ ආතර් නම් 19 හැවරිදි කොලු ගැටයෙකු හා මොන්ටිනෙල්ලි නම් බිෂොප් වරයකු අතර සංවාදයකිනි .කොලු ගැටයාගේ ඉගනීම් කටයුතු , පවුලේ ඇති නොයෙක් ප්‍රශ්න ආදිය පිලිබඳ බිෂොප් වරයා පැය ගණනාවක්ම කතා කර සිටි . ඒ අතරම ඔහු කටයුතු කරන රහස් සංවිධානය පිලිබඳ තතු දැන ගෙන පුන පුනා පරිස්සම් වන්නැයි කොලු ගැටයාගෙන් අයැද සිටි .
කාලය ගෙවී යයි .කුඩා කල සිටම දැන සිටි මුත් තුරුණු වියට පත් වීමත් සමග බැදීම් දුරස් වී තිබු ජෙම්මා නම් ආතර් ගේ කුඩා කල මිතුරිය ,ඔහුට සංගමය හරහා නැවත මුණ ගැසේ ..ඔවුන්ගේ නිහඬ ප්‍රේමය සංවිධානයේ කටයුතු සමඟ නිරායාසයෙන්ම දළු ලා වැඩේ .
ශාන්තව තිබු සියල්ල උඩු යටි කුරු වන්නේ ආතර් හිර බාරයට පත් වීමෙනි .සිරබත් වූ කාලයේදී මහා පාවා දීමක් කල බවට ආතර් පිලිබඳ කට කතා පැතිරෙන්නේ කණ්ඩායම් නායක බොල්ලා සිර බාරයට ගැනීමත් , ආතර් නිදහස් වීමත් සමගය . නිදහස ලබා පැමිණෙන ආතර්ට පෙරමග හමුවන්නේ ,ලෝකයම අවිස්වාස කලත් , තමාව විස්වාස කරන අචල පෙම්වතියක්ද නැති නම් ඔවුන් සේම වියරු ඇතුල් පහර දෙන බොලද පෙම්වතියක්ද ?? කතාව ගලා ගෙන යයි ... එදිනම ඔහුට දැන ගන්නට ලැබෙන්නේ තමා හද පතුලෙන්ම ගරු කරන මොන්ටිනෙල්ලි බිෂොප් තුමා වෙනුවෙන් තව දුරටත් දණ නමා පිදිය යුතු බවද , නැති නම් පයට පෑගෙන දුවිල්ලක් තරම් වත් නොවටින බවද ??? කතාව ගලාගෙන යයි ..
සියල්ල හමුවේ ආතර් තෝරා ගන්නේ ජීවිතයෙන් පලා ගොස් නව ආරම්භයක් ලබා ගැනීමටය ..
සිය දිවි හානි කරගත් බවට ඒත්තු ගන්වා ඔහු රටින් පලා ගොස් , වසර දහතුනකට පසුව ඇටමැස්සා ලෙසින් යලි ඉපිද තම මුල් රැඳුනු දේශයටම පැමිණ නිමා නොකළ යුතුකම් දේශය වෙනුවන් ඉටු කිරීම අරඹයි .
ඇට මැස්සා විරුපීය , කුදය , නොන්ඩිය .කලක් තමා ළඟම රැදී උන් අතරම රැඳුනත් ඔවුනට මේ සිටින්නේ අපේම ආතර් නොවේද කියා හදුනා නොගන්නට තරම් වසර දහතුනක දිගු කාලය මහත් වෙනස් කම් රැසක් ආතර්ට ගෙන දී ඇත . කතාව ගලා ගෙන යයි ....
ජෙම්මා, ඇටමැස්සා නම් මේ තමාගේ අහිමි වූ ප්‍රේමවන්තයාමදැයි දැන ගැනීමට ඉඩ සොයයි .. මොන්ටිනෙල්ලි කාදිනල් කෙනෙකුව ජන ප්‍රසාදය දිනා සිටියත් ඇටමැස්සා තුලින් ආතර් දකී ...ඇටමැස්සා නම් දගින් දිගටම ඉතාලිය වෙනුවෙන් සටන් කරයි . ප්‍රේමය ඔහුට නොපෙනේ .....කතාව ගලා ගෙන යයි ....
සියල්ල අවසන ජෙම්මාට පිළිතුර ලැබෙන්නේ ලිපියකිනි
''ආදරණීය ජිම් '' ඔහු ඈ අමතයි ... ජෙම්මා මහත් සේ හඬා වැටේ ...
ඔහු මෙසේද කියයි ''මා හැම විටම ඔබ හමුවේ බුම්මා ගත් මුර්ගයෙකු ලෙස හැසිරුනේ මන්ද , පරණ කෝන්තර අමතක කරීමට සුනංගු වුයේ මන්ද ,යනු ඔයා දැන සිටියාය ..
එම වදන් ලිවීමෙන් මා ලබන සන්තෝෂය පිණිස එය ලියමි ..
ඉස්තරම් ලොවිච්චි සහිත කොට ගවුම් කොටයකින් සැරසී කොණ්ඩා කරලක් ගොතා පුංචි කැත කෙල්ලක්ව සිටි අවධියේත් මම ඔයාට ආදරය කලෙමි ..තවමත් මම ආදරය කරමි ...''
අවසාන මෙසේද ලියයි
එවිට මම
ජීවත් වුවත්
මිය ගියත්
වාසනාවන්ත මැස්සෙක් මි ....
එනමුදු පිළිතුරු ලිපිය ලියන්නට ජෙම්මා පමා වී ඇත ඔහු බොහෝ දුර ගොසිනි ...
අවසන කාදිනල් තුමාද තම දැඩි දේව භක්තිය මෑත් කර ආතර් සොයා පැමිණෙයි ...
ඔහුද පමා වී ඇත , ඇටමැස්සා බොහෝ දුර ඉගිලී යන්නටම ගොසිනි ..
ඇට මැස්සා පොතට මා පෙම් කළේ මා යොවුන් වියේදීමය. දැන් මැදිවියේ සිටිනා මට යළි පොත කියෙවුවාට වැඩි සතුටක් ඔබ ගෙන දුන්නා ඔබ කවුද කියා මා නොදනිමි. නමුත් ඔබේ ලේඛණ කලාව තව තවත් දියුණුම වේවායි පතමි. උපුටා ගැනීමට ලැබීම සතුටක්..පළ කරන්නම් මුහුණු පොතේ......ස්තුතිය නැවත පුදමි.
ReplyDelete