පුරා වසර 38 ක් ගුරු සේවයේ රැඳී සිට , අද දින විශ්‍රාම සුවයට පිවිසෙන අම්මාට ආදරයෙනි
අඩසියවසක් වන් කාලයක් පුරාවට
දහසකුත් තරමින් සිසු කැකුළු වට කොට
නැණැති සිප් කිරි ගුණදමින් කැටි කොට
නොවළහා බෙදා දුනි ගුරු පඬුරු තුරුකොට
බැදී මිතුදම් බැම්මෙන් නිබඳවම
සෙසු මිතුරු ගුරුමිතුරු කැලද හා සමඟම
කෙලි කවට බසින් වී නිතර දොඩමළුව
මතක සැමරුම් රැසක් රැඳී කලක් ගෙනාවුව
පැමිණ නම් යා යුතුය
නොපැමිණ යාද නොහැකිය
මළවුන්ගේ අවුරුදු දා පොතේ
පිටු අතර රැදුනා නෙතේ
පිවිසුනත් අද සිට ඉතින්
විශ්‍රාම සුවයට ගතින්
මතකයන් ගෙන දෝතින්
සිටිනු සැමදා තුරුණුව සිතින්
No comments:
Post a Comment