දවල් වැඩමුරයන් , රෑ වැඩමුරයන් ,රෝගීන් විචාරීම , ඖෂධ වට්ටෝරු , පරීක්ෂණ පත් ඉරු , ඇඳ ඉහපත් , උරණ බස් ,පෙම් බස් ආදී සියල්ල සමග බැදී කායවේද භෞතවේදයේ දෙමස් පුහුණු කාලයෙන් මසක් ඇවෑමෙන් , ස්ත්‍රී අංශයේ ජීවක සිසුන් පුරුෂ අංශයටත් , පුරුෂ අංශයේ සිසුන් ස්ත්‍රී අංශයටත් ස්ථාන මාරු වීම් ලබා ගත යුතු ඒ තීරණාත්මක සති අන්තය එළඹියේය . මෙකී මහත් වූ සති අන්තයටම , එක් රෝගී ශාලාවකට මසකට එක් අවස්ථාවක් බැගින් උදාවන සති අන්ත රෑ වැඩ මුරයද යෙදී තිබුනේ වුවේන් , ජීවක සිසුන් හට ස්ථාන මාරුව හැර ශනි දින සහ ඉරු දින සවස සයේ කණිසම සිට මැදියම් රෑ දොළස කණිසම තෙක් රාත්‍රී ඉගැන්නුම් වැඩද යෙදී තිබුනේ විය .
එසේ හෙයින් ගම්දොර ගොස් මාපියන් බැහ දැකීමට නොහැකිව සෝ සුසුම් ලන්නට වුයේ ,අනෙකුත් සති අන්ත වලදී මිටින්හල සියොත්හු සේ ගම් දොර බලා පියා විදහන , මැටිහක්ක ග්‍රාමයෙන් පැමිණි චල පියදස්සනී සහ , සෙන්කඩගලින් පැමිණි තඹරිනී හැර ,ඉගැන්නුමෙන් නිදහස් වුවත් ගම්දොර බලා පා නොතබා , කොලු කුරුට්ටන් හා පුරුෂ නේවසිකාගරයේම රැදී තුටු වන්නා වූ වෙල්ලස්සෙන් පැමිණි බටුවන්දර හෝ තෝලම්ගමුවෙන් පැමිණි කෝණ චින්තන ආදීන් නම් නොවීය ..
එතෙකින් මෙතෙකින් හෝ කෙසේ වතදු සියල්ලෝම සති අන්තය ගාරම කඳු මුදුනේම රැදී සිට ,සති අන්ත රෑ ඉගැන්නුම් මුරයට සහභාගී වීමට ඉටා ගත්හ .. මේ අතොරක ස්ත්‍රී අංශයේ නායක අනන්ජය පත්තු සහ පුරුෂ අංශයේ නායක රුවානක් අතර , සති අන්තයේ කුමන නම් වේලාවක ස්ථාන මාරු ලබා ගන්නේදැයි සති අන්තයට පෙර සිකුරු දින ,ද්වන්ධ කතිකාවක් ඇති විය ..
හඬ අවදි කරන ,මහත් තේජස් ඇති අනන්ජය පත්තු නායක තෙම මෙසේ කීය
''දැන් එළඹ ඇත්තේ ස්ථාන මාරු වීමේ කාලය නොවන්නේද ?? මම ඇතුළු මගේ සගයෝ නම් ඉරු දින සවස් භාගයේ ස්ථාන මාරු ලබා ගැනීමට කැමැත්තේ වෙමු ''
ඒ අසා නැණැති රුවනාක් නායක නොනවත්වාම ආවේශ වූ කලෙක මෙන් මෙබස් දොඩමළු විය
''අහෝ තොප මේ පවසන්නේ කුමක්ද ??
''ඉරු දින ගයාවර්නී ගුරු මෑණියෝ රෝගීන් විචාරන්නේ පුරුෂ අංශයේය ''
''අප ඉරු දින සන්ධ්‍යාවේ ස්ථාන මාරු ලබා ස්ත්‍රී අංශය කරා පත් වන්නේ නම් සඳු දින නැවත ස්ත්‍රී අංශයේ රෝගීන් විචාරන ගුරැ මෑණියෝ අප හමුවේ වන්නීය ''
අහෝ අහෝ සති අන්තය නම් රෝගීන් පිරී ඉතිරී යයි .. එබැවින් අප හට සියලු රෝගීන් විචාරීමට නොහැකිව ගුරු මෑණියන්ගෙන් උරණ බස් අසන්නට සිදු වනු ඇති ''
ඇරත් එවිට තොප ඇතුළු සගයින්ට දින දෙකක්ම ගුරු මෑණි හමු නොවෙන්නේය , එය මහත් අසාධාරණයකි ''
ඒ අසන අනන්ජය පත්තු මෙසේ කියන්නට විය
'' එය එසේ විය හැක්ක , එනමුදු තොප ගණිත මිණිත කර්ම දන්නවා නොවේද ?? බලව දින ගැන ,මස ඉකුත් වී ස්ථාන මාරු විය යුත්තේ ඉරු දින සන්ධ්‍යාවේ නොවේද කියා ''
'' ගණිත මිණිත නම් කොතෙකුත්ය , මා මෙහි පවසන්නේ සාධාරණ , අසාධාරණ බවය "
''මා හට තනි තීරණයක් ගත නොහැක්ක , මගේ සගයන්ටද මේ පුවත් දනවා , බස් කතිකා කොට අවසන තොපට පිළිතුරු එවන්නෙම් '' කියා රුවනාක් සගයන් සොයා පිට වී ගියේය ..
සගයන් අතොරට පැමිණි රුවනාක් නායක තෙම ,සිදු වන්නට යන ඇබැද්දිය සවිස්තරව කියන කල්හි සියල්ලන්ගේම මුව විවරව, දෑස් පුළුල්ව බිරාන්ත වුවෝය .. ගුරු මෑණියන්ගෙන් උරණ බස් අසන්නට වේ යැයි පීඩිත වුවෝය ..
පුරුෂ අංශයේ මහත් බල උසුලන , චල පියදස්සනී , තඹරිනි, බුත්සරනී යන ත්‍රිත්වය එක හඬින් මහත් සේ ප්‍රකෝපව මෙසේ කීහ
''අහෝ එසේ නම් ඔවුන් ගේ සූදානම ප්‍රයෝග කොට , අපහට ,රෝගීන් වැසි වසින මෙම සති අන්ත වැඩ මුරයේ ඉරු දින සිට දින දෙකක්ම ගුරු මෑණිය ලබා දෙන්නටය ''
''එය නම් මහත් අසීරුය , කෙසේ හෝ මෙය වළහා ශනි දින සන්ද්‍යාවේ හෝ අඟහරු දිනට ස්ථාන මාරුව යොදා ගත යුතුය ''
''එසේය එසේය '' අපිද තොප හා එකඟ වන්නෙමු '' ,
රුවනාක් , කෝණ චින්තන , අය බණ්ඩාර තොප තිදෙනා අප කණ්ඩායමේ පුරුෂ රත්න නොවන්නේද ??
තොප වහා ගොස් අනන්ජය පත්තු ඇතුළු කණ්ඩායමට මෙය දනවා සුදුස්ස ඉටු කොට ගත යුතුය ..''
නිතරම එක්වම ඇගෑලී සිටින කුමරන්තිනී , හා දීලාමනි කීවෝය ..
''එසේය ,, යමක් කොට මෙය සාධාරණ තත්ත්වයකට ගෙන ආ යුතුය '',
''එසේ නම් යමවු සගයිනි '' කියා රුවනාක් , අය බණ්ඩාර , හා කෝණ චින්තන හා එක්ව පිටත් වුහ ..
මේ අතරේ රුවනාක්ගේ මසක නායකත්ව ධුර කාලය අවසන්ව ,, නායක තත්වයට උසස් වන බුත්සරණිය .. තම අති ජාත මිතුරියන් වන චල පියදස්සනි , හා තඹරිනි සමග දැන් දැන් කුමක් වේදැයි සසල බස් තෙපලන්නට වුනි ....
ඉතිරිය මතුවට .....
No comments:
Post a Comment